A área de mobilidade inicia este luns as obras de peonalización das rúas Avelino Pousa Antelo e Isaac Díaz Pardo, en Recatelo.
Os traballos van implicar cambios no tráfico, con axustes no sentido de circulación por esas vías e a eliminación de tres prazas de aparcadoiro na rúa Puro Cora e Avelino Pousa Antelo.
A obra ten un orzamento de 260.425 euros e un prazo de execución de seis meses e o tenente de alcalde, Rubén Arroxo, reivindicou que se trata de mellorar a imaxe dun barrio histórico da cidade, situado entre a muralla e o Parque de Rosalía, recordou.
Sostivo que Recatelo pode ser unha importante zona de paseo, dado o seu emprazamento, e dixo que as obras permitirán á vez unha mellora dos servizos desas rúas. A intervención tamén mellorará a calidade de vida dos veciños, opinou. Antes actuouse na rúa Vila de Sarria.
