Jaime Torres Rey primeiro director xeral do Sergas e destacado artífice da creación dese servizo tras a transferencia das competencias sanitarias á Xunta, foi despedido este sábado cunha cerimonia relixiosa na igrexa da Nova á que asistiu o conselleiro de Sanidade, Julio García Comesaña.
Numerosos lucenses déronse cita no funeral de Jaime Torres, unha persoa que o foi case todo na sanidade lucense e que, entre outras cousas, foi clave na creación dos hospitais de Monforte de Lemos e de Burela.
Era unha persoa recoñecida polo seu labor de xestión, xa que en Lugo foi tamén director da residencia sanitaria Irmáns Pedrosa e estivo á fronte do Insalud, entre outros cargos.