O presidente da Deputación de Lugo, José Tomé, aseguro hoxe que “o AVE chegará” á capital da provincia “cando dixo o presidente do Goberno”, Pedro Sánchez, concretamente no ano 2021.
“Non me cabe ningunha dúbida”, afirmou Tomé a preguntas dos xornalistas antes de entrar no pleno ordinario da Deputación de Lugo, que se celebrou esta mañá na Praza de San Marcos, sede da institución provincial.
Lamentou, con todo, a postura da Xunta de Galicia, porque “está aínda sen facer o que prometeu aquí o señor Feijóo hai dez anos”, dado que dixo que “se Zapatero non traía o AVE a Lugo, el faríao con cargo ao orzamento” da administración autonómica.
“Aínda non vin ese AVE”, dixo Tomé, quen en todo caso mostrouse convencido de que “o outro se vai chegar a Lugo”.