O barrio da Tinería celebrará este sábado a súa segunda festa na que haberá concertos, un mercadiño de talento (con postos de artesanía, moda, cerámica e decoración), postos de comida de polbo e actividades para toda a familia ao longo do día.
O programa comezará ás once, na capela do Carmen, cunha misa. Unha hora despois, abriranse o mercadillo e os postos de comida e á unha, haberá un concerto co grupo Carta de Axuste, ao que lle seguirán Patuk Band, ás tres, e o DJ Fermento, ás catro e media.
Media hora despois, dará comezo un concurso de debuxos do barrio para nenos e ás sete e media, actuará Por Min, Swing. Finalmente, ás dez, a charanga Louband amenizará a velada.
A festa está organizada pola asociación de empresarios da Tinería Itineris, en colaboración co Concello e tamén da Xunta a través da Consellería de Turismo.
