Tres camións de bombeiros interviñeron este sábado para sufocar un incendio que se produciu nunha parrillada que se atopa na Rúa Nicomedes Pastor Díaz de Lugo.
A Policía Local cortou a rúa mentres levaron a cabo os labores de extinción.
O lume produciuse no tirador da cheminea. É a segunda vez que acoden os bombeiros a este establecemento nas últimas 48 horas.
Os veciños dunha das casas foron desaloxados polo fume acumulado.
