A Policía Local sorprendeu en Lugo a dous condutores que ían ao volante dun vehículo sen sacar nunca o carné. Os axentes tamén investigan como cooperadoras necesarias ás esposas dos infractores, que lles acompañaban.
Ambos os condutores enfróntanse por un delito contra a seguridade viaria a unha pena de tres a seis meses de prisión, multa de 12 a 24 meses ou traballos en beneficio da comunidade de 31 a 90 días.
Un dos infractores foi sorprendido na tarde do luns cando circulaba sen autorización por unha rúa peonil na Praza da Milagrosa.
O outro foi interceptado tras saltarse un semáforo en vermello no cruzamento das rúas Alfredo Brañas e Lamas de Prado. Neste caso ademais o vehículo carecía de seguro obrigatorio.