O secretario xeral do PSdeG en Lugo, Álvaro Santos, confirmou que o partido iniciará o curso político na provincia con sete encontros con militantes, un por cada unha das comarcas lucenses, que comezarán este fin de semana para fomentar a participación das bases de cara á próxima convocatoria electoral.
"O PSdeG son os militantes, cos que me comprometín nas primarias para crear máis espazos de participación, porque defendo que son imprescindibles. Non queremos actos masivos e de aplausos, senón actos útiles, transparentes, de diálogo e de debate cos compañeiros", dixo Santos.