martes. 30.11.2021 |
El tiempo
martes. 30.11.2021
El tiempo

O gromo de Franciscanos alcanza xa os 30 infectados e amplíase o cribado a Infantil

Entrada del colegio Franciscanos en mayo de 2020. ARCHIVO
Entrada del colegio Franciscanos en mayo de 2020. ARCHIVO
Varias familias levan días sen levar aos seus nenos ao colexio, en Infantil, como medida preventiva ►Ares afirma que o gromo está "en fase de estabilización"

O gromo de coronavirus no colexio Franciscanos de Lugo segue gañando casos. Os últimos datos actualizados este xoves pola Consellería de Sanidade elevan a 30 os infectados, dos que 28 son alumnos (cinco máis que na xornada precedente) e dous profesores.

Ante este panorama, o Sergas decidiu ampliar o cribado para detectar posibles novos contaxios á etapa de Infantil, mentres que ata agora estábase centrando exclusivamente nos alumnos de Primaria. Ademais, hai varias familias que levan días sen levar aos máis pequenos ao colexio como medida preventiva ante a evolución do gromo e a aparición de novos casos.

O xerente da área sanitaria de Lugo, A Mariña e Monforte de Lemos, Ramón Ares, confirmou que se seguen estudando os contaxios" no colexio do centro da capital lucense, aínda que opina que "o gromo está en fase de estabilización". En declaracións aos medios de comunicación, precisou que é o gromo que máis casos está a achegar na área sanitaria, polo que as autoridades sanitarias están realizando os cribados correspondentes e analizando todos os casos para determinar "ata onde poden chegar os contaxios".

Neste momento, precisou, na área sanitaria mantense desde hai días "un incremento constante no número de casos" de coronavirus, "maioritariamente" como consecuencia de grupos "pequenos", de gromos que se orixinan "no ámbito laboral ou familiar e en reunións de amigos" e que logo xeran "cadeas secundarias" de transmisión. Son gromos orixinados en ámbitos "reducidos", pero que se distribúen polos distintos municipios" que forman a área "sanitaria".

En todo caso, Ares aclarou que é na cidade de Lugo, onde se concentra a maior porcentaxe de poboación -con case 100.000 habitantes-, onde se detectou ata o momento "unha maior agrupación de casos" e, en concreto, o gromo máis numeroso foi o detectado no colexio. "A situación é máis complicada que hai tres semanas ou un mes", confesou, de modo que volveu pedirlle á poboación que sexa rigorosa coas medidas de seguridade recomendadas, ademais de animar "" a todo o mundo que aínda non o fixo a vacinarse.

Nestes momentos, está a aplicarse a terceira dose á poboación de 70 a 79 anos -unhas 37.000 persoas en Lugo-, que quedará vacinada "a finais deste mes". 

O gromo de Franciscanos alcanza xa os 30 infectados e amplíase o...
comentarios