O sexo en Roma centrará unha das sesións das xornadas culturais que organiza cada ano a asociación de recreación histórica Cohors III Lucensium como prólogo do Arde Lucus e que este ano chega á décimo terceira edición. Será o día 3 de xuño, sesión na que os médicos Estefanía Otero e Miguel Piñán, da clínica Otero e Piñán, pronunciarán a conferencia Aproximación ao sexo na cultura romana.
Os asistentes a ese relatorio recibirán unha réplica dunha moeda da serie Sprintias, acuñada para a ocasión. Esta é unha colección inusual da numismática romana, do século I d.C., sen valor coñecido e que nunha das súas caras representa distintas escenas eróticas. O público recibiraa como obsequio ata esgotar existencias.
As xornadas darán comezo o 30 deste mes coa mesa redonda "Os restos diferenciadores atopados en Lucus Augusti", na que participarán o arquitecto da Xunta José Pastor Ferreiros e os arqueólogos Gonzalo Meijide Cameselle, Rubén Álvarez, Francisco Hervés e Enrique Alcorta, moderada por Enrique González Fernández
A mesa redonda Lucus Augusti e o turismo do futuro será o día 31 e contará co guía Guido Álvarez; o presidente da Asociación Provincial de Hostalería, Cheché Real; a secretaria da Asociación de Guías de Galicia Mónica Díaz Jublin, e Luís González González, director de zona de axencia de viaxes en Castela-A Mancha e Estremadura. Estará moderada por Aurelia Balseiro, directora do Museo Provincial de Lugo. A investigadora e paisajista Neves Cobas dará o relatorio Vos xardíns romanos o día 1 e o escritor Juan Trahche pronunciará outra titulada As gladiadoras prohibidas o día 2.
Todos os relatorios terán lugar no Vello Cárcere a partir das oito e media da tarde.
