Senadores do PP pola provincia de Lugo -José Manuel Barreiro, Rosa Arza e Manuel Lorenzo- presentaron varias iniciativas en relación cos servizos ferroviarios da provincia, concretamente sobre a recuperación dos "trens cancelados" durante o estado de alarma provocado pola pandemia de covid-19 e sobre a implementación da alta velocidade na liña do Miño.
Para tales iniciativas, os populares baseáronse nun informe publicado polo Administrador de Infraestruturas Ferroviarias (ADIF) a principios de xaneiro e no que se fai balance dos datos sobre as liñas ferroviarias do ano anterior. Neste caso, o informe recolle o impacto que tiveron as cancelacións masivas de trens producidas a raíz do estado de alarma e que aínda non se restableceron.
"Segundo o informe, en 2018 circulaban entre León e A Coruña unha media diaria de 17 trens e, a finais de 2020, unicamente circulaban 7, o que supón un 60% menos. E no caso da liña de Monforte a Redondela a situación é aínda peor: o tráfico medio hai un ano era de 29 trens diarios, mentres que actualmente só circulan 13 trens de media, o que supón unha diminución do 66%", explicaron os senadores lucenses.
Tanto Renfe como o Ministerio de Transportes aseguraron, tal e como informaron os representantes populares, que os servizos iríanse recuperando conforme fose aumentando a demanda, pero usuarios e plataformas cidadás sosteñen que tal recuperación "non se está producindo".
"Nun momento en que a distancia social é imperativa e o despoboamento é un problema cada día maior, parece obrigado que os cidadáns reciban un servizo público que vertebre o territorio, que conecte áreas metropolitanas e zonas rurais e que permita viaxar con todas as garantías de seguridade", reclamaron os populares.
É por este motivo que preguntan ao Goberno cando recuperará o Ministerio de Transporte as liñas canceladas durante o estado de alarma e "se ten pensado seguir recortando o número de trens en Lugo", xa que, segundo denunciaron os senadores do Partido Popular, "o dereito á mobilidade debe estar por encima das variables económicas cando estamos a falar dunha operadora pública".
ALTA VELOCIDADE NA LÍNEA DO MIÑO. Doutra banda, os senadores populares mostráronse "inquedos" ante a posibilidade de que as liñas de longa distancia e de alta velocidade que comunican Galicia co resto de España "poidan resultar prexudicadas pola adaptación do corredor atlántico transeuropeo de mercancías ao seu paso por Galicia".
Aínda que os populares consideraron positiva a adaptación da liña do Miño, o trazado que une Ourense e Vigo e que pasa por Monforte de Lemos, subliñaron que esta non "debe repercutir negativamente no resto de comunicacións: nin nas de media distancia, un servizo público que comunica cidades, pobos e aldeas da xeografía lucense, nin nas de longa distancia, que facilita os traslados, impulsa o turismo e evita a marxinación de Galicia debido ás súas características xeográficas".
Respecto desta adaptación, os senadores do PPDEG queren saber "como vai evitar o Goberno que as obras de reconversión ao trazado transeuropeo impidan a alta velocidade nestas áreas", así como se se garantirá que as comunicacións de media distancia na provincia de Lugo non se vexan prexudicadas" e se "
