Os protocolos de seguridade aos que obriga a pandemia marcarán este ano a experiencia da selectividade, que arrinca este martes e que en Lugo citará a uns 1.200 alumnos. O número de estudantes que se presentan ás probas de acceso á universidade crece este ano porque as circunstancias excepcionais do curso provocaron que aprobase o bacharelato unha porcentaxe maior de estudantes que outros anos.
A primeira normal, esencial e de obrigado cumprimento para todos os que se presenten aos exames, será
Os centros xa están preparados para esas probas e, polas esixencias de seguridade, este ano amplíanse. Así, ademais de en Administración e Dirección de Empresas e Humanidades, este ano haberá exames tamén na facultade de Veterinaria. Na provincia non hai máis cambios e, así, a única sede fóra da capital para os exames será Viveiro, como é habitual cada ano.
As aulas están xa listas e tamén os protocolos. Os aularios se ventilarán entre exame e exame e os alumnos sentarán sempre na mesma mesa.
A limpeza das aulas recibirá especial atención este ano e mesas e clases limparanse a metade de mañá e polas noites. A higienización dos baños farase de forma permanente.
FACILIDADE NAS PROBAS. A pandemia marca tamén que este ano se dean algunhas facilidades aos alumnos á hora de facer os exames. Por exemplo, no exame de idiomas suspéndese a parte da audición e divídense as probas das materias que son obrigatorias.
Así, se antes había que facer nun día os exames desas catro materias fixas, agora divídense e faranse en dous mañás, o que pode alixeirar a tensión dos estudantes.
Se nbsp;suspende&a parte da audición na proba de idiomas e os exames das materias obrigatorias faranse en dous
Ademais, este ano ábrese o abanico tamén á hora de elixir preguntas, unha medida que se tomou porque é posible que algúns dos estudantes non vexan a totalidade do temario. Dese modo, poderán axustarse mellor a contestar os temas que tiveron máis tempo a estudar.
Por exemplo, un estudante pode elixir contestar todas as preguntas do bloque de Historia Antiga se é algo que estudou máis a fondo ou se, incluso, non chegou a dar en clase o temario de Historia Moderna, explicaba o domingo o representante dunha das comisións delegadas.
Este ano haberá tamén un maior número de profesores vixiando o desenvolvemento das probas, pero o control será, en realidade similar ao doutros anos, xa que hai máis vixiantes, pero tamén máis aulas que supervisar polas distancias impostas.
