Varios estudantes mostran o seu malestar desde hai varios días pola falta de espazo nas bibliotecas públicas de Lugo para acoller os usuarios que demandan utilizar estas instalacións. De feito, á primeira hora da mañá rexistráronse longas colas no acceso á Biblioteca Nodal tanto este martes como o mércores.
Unha das persoas que esperaba este mércores por un sitio nas instalacións da Avenida de Ramón Ferreiro explica que a cola chegaba ata o Gran Hotel, e que foron moitos os que non conseguiron entrar.
A demanda das bibliotecas incrementouse co inicio esta semana do novo curso no campus, con restricións no acceso na Biblioteca Intercentros debido á pandemia.