O sindicato de Enfermería Satse remarca que os centros de saúde galegos están a sufrir a falta de enfermeiras para cubrir os períodos de vacacións o que diminúe a calidade asistencial, e provoca momentos de tensión entre os usuarios "que a acaban tomando co profesional que teñen máis próximo, a súa enfermeira", advirten desde o sindicato.
Para o sindicato esta situación vén dada porque todos os recursos de Enfermería trasladáronse á vacinación do covid19. Namentres, Atención Primaria queda relegada a un segundo plano, cando é "a porta de entrada, que se debería coidar e reforzar", segundo os sanitarios.
Por esa razón, Satse reclama un conxunto de medidas ás administracións sanitarias entre as que está establecer unha cota máxima de 1.200 pacientes por cada profesional de enfermería.