Sanidade fará un cribado no barrio lucense de Montirón logo de detectar un brote con varios casos, menos dunha decena. Citarase a uns 250 veciños da zona para que acudan esta fin de semana ao covidauto do Hula onde se lles tomará a mostra para a PCR.
A decisión de facer un cribado masivo en Montirón tomouse non tanto porque se trate dun brote de gran envergadura, senón porque esa é unha zona residencial, con moitas casas unifamiliares, na que os veciños teñen moita interacción entre si. Dadas as características do barrio, e que unha medida desas características serve para detectar se se abriron novas cadeas de transmisión que poden pasar desapercibidas ata agora, Sanidade decidiu empezar este xoves a citar aos veciños para o sábado e o domingo.
