Os socios da SDC San Lázaro aceptarán vender o seu campo de fútbol a Madeiras Besteiro por 150.000 euros cando esta empresa presente a súa oferta por escritoAsí o acordaron nunha concorrida e prolongada asemblea, que durou unhas dúas horas e media, celebrada o pasado xoves pola noite.
A madeireira lucense precisa este terreo de xogo, de uns 9.000 metros cadrados de superficie, para poder ampliar as súas instalacións, que se atopan próximas, en Vilaestévez, preto da estrada de Lugo a Friol.
Ademais de aceptar a oferta de compra, os socios deste club que milita na segunda autonómica acordaron reinvestir o diñeiro na compra duns terreos para construír aos poucos outro campo de fútbol.
Na asemblea púxose de manifesto que os 150.000 euros que percibirán non serán suficientes para o novo estadio. Calculan que lles custará ao redor de 250.000 euros, entre terreos, o seu acondicionamento, as bancadas, os vestiarios, a iluminación e os accesos.
Se non vendese, o club San Lázaro acabaríase quedando sen campo de fútbol â?? Tería que ceder ao redor dunha cuarta parte dos seus terreos ao Concello
A SDC San Lázaro é o único club de fútbol do municipio de Lugo, xunto coa Santa Corda, que conta cun campo de fútbol propio, que foi construído a mediados dos anos 80.
Cando se peche a operación, a directiva solicitará Federación de Fútbol que lle facilite un campo para xogar, como fai con outros conxuntos da cidade que non dispoñen dun propio.
SEN MARXE DE MANOBRA. Os socios do equipo do barrio da Ponte están case obrigados a vender o seu terreo de xogo. Madeiras Besteiro precisa para ampliar as súas intalaciones desenvolver un plan parcial, que inclúe o campo de fútbol e outras dúas leiras de 2.000 e 16.000 metros cadrados de superficie, para que as parcelas pasen de estar catalogadas no Plan Xeral de Ordenación Municipal (PXOM) como chan rústico a industrial.
Se non vendese, o club San Lázaro acabaríase quedando sen campo de fútbol porque ao desenvolverse o plan parcial tería que ceder ao redor dunha cuarta parte dos seus terreos ao Concello de Lugo para dotacións, zonas verdes e viarias. Ademais, na parcela que quedaría só podería edificar no 35% da superficie, insuficiente para albergar un terreo de xogo. E tería que asumir a parte proporcional dos cuantiosos gastos de urbanización do polígono industrial resultante.
