O lucense Antonio De Ron Pedreira, novo delegado institucional do CSIC en Galicia

Releva no cargo ao doutor Eduardo Pardo de Guevara e Valdés

De Ron,Menéndez y Pardo. CSIC
photo_camera De Ron,Menéndez e Pardo. CSIC

A presidenta do Consello Superior de Investigacións Científicas (CSIC), Rosa Menéndez López, nomeou ao doutor Antonio De Ron Pedreira, profesor de investigación do CSIC na Misión Biolóxica de Galicia (MBG), delegado institucional do CSIC en Galicia.

Deste xeito, sinala un comunicado, releva no cargo ao doutor Eduardo Pardo de Guevara e Valdés, profesor de investigación do CSIC no Instituto de Estudos Galegos Padre Sarmiento (IEGPS), que desempeñaba o cargo desde febreiro de 2012 e que permanece como director do IEGPS.

Antonio De Ron Pedreira (Lugo, 1952) é doutor (1987) en Bioloxía pola Universidade de Santiago de Compostela.

Exerceu como catedrático de Instituto (1977-1988) e en 1988 obtivo por oposición unha praza de científico titular na MBG, promocionando sucesivamente a investigador científico (2004-2009) e profesor de investigación (2009-actualidade). 

Comentarios