A Ronda da Muralla cambiou moito ao longo da historia do tráfico rodado. Nestes días nos as noticias falan da adaptación a zona 30, o fotorrojo, o carril bici ou as novas propostas dentro das campañas electorais dos partidos para facer desta vía arterial da cidade un espazo diferente. No entanto, fai 50 tamén houbo unha revolución urbanística no anel de asfalto lucense, nun contexto no que aínda había casas encostadas á Muralla e tráfico fluía en dobre sentido.
O entón alcalde de Lugo, Antonio Quintana Pena, emitía tal día como hoxe, hai cincuenta anos, un bando establecendo a dirección única nas "roldas exteriores" –a nomenclatura do antigo rueiro dividía a Rolda en diferentes tramos– co fin de ter unha mellor ordenación do tráfico na cidade. Nesta ordenanza prohibíase ademais o estacionamento de de vehículos no "bordo esquerdo" da calzada.
