A proximidade das eleccións leva aos partidos a suxerir ideas para a cidade e se para o val do Miño disponse de 12 millóns de euros do Edusi para obras que buscan achegar a zona centro ao río, tamén se comezan a rescatar proxectos para outros barrios como Fontiñas.
Así, Ciudadanos acaba de recuperar a iniciativa para construír un aparcadoiro na ladeira onde se sitúa a gran zona verde e dotacional da avenida, xunto ao parque de Paxariños e o IES Sanxillao. A idea orixinal de crear o estacionamento foi exposta no seu día pola asociación de comerciantes do barrio e plasmada máis tarde nun proxecto polo exportavoz do PP Jaime Castiñeira, quen propuxo na precampaña das municipais de 2015 un aparcadoiro con tres sotos, con capacidade para uns 500 vehículos e un custo de 3 millóns de euros.
A iniciativa, que no seu día xerou dúbidas entre os empresarios xa que expuña ademais eliminar parte do aparcadoiro en superficie da avenida, é recuperada agora por Cs cun proxecto máis ambicioso, xa que se lle calcula un custo de 5 millóns de euros,
Olga Louzao, portavoz desta formación, explica que o proxecto contemplaría un aparcadoiro en terrazas con dous sotos e 500 prazas, en cuxo interior contaría cunha rúa de 200 metros de longo que enlazaría Fontiñas cunha vía ata a Rúa San Eufrasio prevista no PXOM e con outra que agora conecta coa estrada do Rato. Asegura que este viario serviría para acceder ás dúas plantas do aparcadoiro pero, ademais, desviaría tráfico cara ao Hula que agora se concentra na contorna do cruzamento con San Eufrasio. Sobre o aparcadoiro, construiríase tamén unha gran praza en superficio duns 6.000 metros cadrados con vistas ao val de Intre e onde se situaría un parque infantil.
Desde a asociación de comerciantes de Fontiñas mostrábanse este xoves a favor de crear un aparcadoiro e recordaban que foron eles os primeiros en propolo. Engaden que o problema do tráfico e a falta de prazas de aparcadoiro non fixo máis que aumentar desde a apertura do Hula,
