A residencia de anciáns das Gándaras de Lugo celebrou este xoves o 40 aniversario da súa fundación cun programa que contemplada actividades para os usuarios deste centro da terceira idade e incluíu o anuncio dun investimento de 1,7 millóns para a súa modernización.
O director xeral de Atención Socio Sanitaria, Antón Acevedo
Para a realización desta obra investiranse un total de 1,7 millóns de euros que xa foron reservados nos orzamentos do Goberno autonómico para o presente exercicio.
Este novo modelo de residencias aséntase baixo catro alicerces básicos: a humanización do trato aos usuarios e a formación continua dos traballadores do centro, o aproveitamento do potencial que ofrece a tecnoloxía, a mellora na coordinación entre a sanidade e os servizos sociais, e as reformas estruturais que se aplicarán en todas as residencias de nova construción.
Tanto Acevedo como Arias celebraron que se recuperen actividades que foron suspendidas durante a pandemia
Antón Acevedo apuntou o importante labor que realiza o centro das Gándaras, que ofrece 218 prazas públicas na cidade de Lugo tanto para persoas autónomas como para dependentes.
No acto de celebración dos 40 anos da residencia estivo tamén o delegado da Xunta en Lugo, Javier Arias.
O responsable de Política Social en Lugo, Javier Vázquez, mostrou as distintas estancias e servizos da residencia e puxo en valor que traballadores e usuarios se comportaron dunha forma modélica durante a época máis restritiva da pandemia, cando houbo que extremar as medidas de protección dos máis vulnerables.
Tanto Acevedo como Arias celebraron que se poidan recuperar este tipo de actividades, que foran suspendidas por mor da pandemia e que contribúen a manter o ánimo e a vitalidade das persoas que alí viven.
CORO DO HOSPITAL. Unha das actividades centrais do programa conmemorativo deste xoves foi o concerto que ofreceu a Coral do Hospital de Lugo no exterior do centro residencial, aproveitando así a asollada xornada. A agrupación musical interpretou algunhas das pezas clásicas do folclore galego, que xa forman parte do seu programa habitual.