Os lucenses que acoden a visitar familiares ao cemiterio municipal de San Froilán mostraron as súas queixas ante o que denominan "crecente estado de abandono e suciedade" das instalacións.
A denuncia débese a que os restos de flores e centros que foron depositados nos nichos e panteóns na festividade de Defuntos ou os que se colocaron durante os enterros dos últimos meses seguen sen recollerse das papeleiras, cando non están amontoados no medio dos corredores.
Por iso, demandan ao Concello que acometa a limpeza da necrópole para evitar a mala imaxe que ofrecen unhas instalacións que están incluídas na rede de cemiterios históricos.
