Unha queima incontrolada, supuestamente realizada por uns okupas, provocou este luns o incendio dunhas matogueiras nunha leira situada na urbanización Allieiro, preto de Conturiz.
O lume desatouse a primeiras horas da tarde e foi necesaria a intervención dos bombeiros para poder apagalo.
Tras acudir ao lugar dos feitos, os bombeiros chegaron á conclusión de que o lume se iniciou nunha queima incontrolada de distintos tipos de obxectos, presuntamente realizada polos moradores dunha vivenda pechada que ocupan ilegalmente desde que levou a cabo a expropiación das leiras para facer a variante da Nacional VI.
Ao parecer, este chalé foi expropiado polo Ministerio de Fomento, a petición do propietario, unha vez que lle foi expropiado o terreo necesario para o viario de servizo con motivo do desdobramento da estrada. O resto da leira é de propiedade particular.
A ocupación ilegal desta casa produciuse hai catro anos. Os primeiros días, os okupas chegaron incluso a limpar, podar e ordenar os arredores da vivenda, co fin de facer a contorna máis habitable.
Descoñécese se era a súa intención tamén coa queima que levaron a cabo e que, finalmente, provocou a intervención dos bombeiros ao estenderse o lume a uns arbustos próximos e algunha árbore e poder propagarse as chamas por toda a leira pondo en risco, incluso, a súa integridade e tamén a vivenda ocupada.
