Case á vez que o presidente en funcións da Deputación, Darío Campos, e candidato á reelección anunciaba quen serán algúns membros do equipo co que pretende gobernar a Deputación durante os próximos catro anos, o secretario xeral do PSDEG, Gonzalo Caballero, aclaraba a través do seu gabinete de comunicación que a dirección galega non ten aínda un posicionamento sobre quen debe ser o próximo presidente da Deputación de Lugo.
"Neste momento non hai ningún posicionamento de apoio, tampouco do contrario, nin a Darío Campos nin a ningunha outra persoa", precisou o equipo de Caballero un día despois de que Campos asegurase a este xornal que estaba "tranquilo" ante a posible irrupción dunha candidatura alternativa porque percibía un gran apoio do partido na provincia e porque Caballero tamén llo manifestou.
A candidatura alternativa podería estar encabezada polo alcalde de Monforte, José Tomei, aínda que de momento non é oficial, e podería ser ben vista por Caballero e poida que tamén por Ferraz, debido á excelente relación do monfortino con Pedro Sánchez. este venres o PSDEG evitou pronunciarse sequera sobre a existencia dunha opción diferente á de Campos.
Campos mantén que o PSDEG lle deu o seu apoio e o partido di que houbo un encontro o "mércores non que non se pechou nada"
A executiva socialista galega explicou que o procedemento para designar candidato á institución precisa dun informe da dirección galega, que remite á federal, "que en última instancia é quen decide". A previsión é que o comité de listas do PSOE aprobe as candidaturas as deputacións -as listas completas de deputados, non só os aspirantes a presidentes- en torno ao día 17, xa que o prazo para que os concelleiros acudan a votar ás xuntas electorais termina o 21.
Campos, pola súa banda, mantiña este venres pola tarde que Caballero si lle transmitiu o seu apoio, pero "se din que non, pois non, está claro, é ou que hai. Se din iso será verdade", afirmaba tras coñecer o desmentido de Santiago. Desde o PSDEG insistíase en que o proceso para a designación de candidato está a ser levado polo secretario de Organización, o lucense José Antonio Quiroga, quen o
Quiroga, pola súa banda, tampouco quixo comentar este venres a situación que se está vivindo en torno ao proceso de designación de candidatos.
