A provincia de Lugo pasou a barreira do medio milleiro de casos activos de coronavirus. Segundo os datos ofrecidos este mércores polo Sergas son xa 539 os contaxiados na área sanitaria lucense, 43 máis dos que había a xornada anterior.
O ritmo de contaxios, ademais, sofre outro repunte. A Xunta informou de que se detectaron 59 novos casos por PCR nas últimas 24 horas, polos 37 que se contabilizaron o martes ou os 32 do luns.
O aumento nos casos activos, iso si, non repercute de momento na presión hospitalaria. De feito, os hospitais lucenses han visto como se aliviou a presión asistencial nas últimas horas. Actualmente hai tres persoas ingresadas con covid, unha na Uci do Hula e outras dúas en planta –unha no propio hospital da capital lucense e outra e A Mariña–, a metade das que había (6) na xornada anterior.
Desde o inicio da pandemia curáronse na provincia de Lugo 13.004 persoas e faleceron co virus 225, aínda que o Sergas contabiliza unicamente 217 ao non sumar varios lucenses que morreron noutras áreas sanitarias.
GALICIA. Nas últimas 24 horas Galicia sumou 766 contagios de coronavirus, polos 742 do reconto previo, que era a cifra máis alta desde o 7 de febreiro; o que leva o número de infectados a 135.755, mentres la presión hospitalaria sobe levemente.
Son 57, catro máis, os pacientes que están en planta, mentres que na Uci seguen dez, cifra invariable, e o número de falecidos, 2.439, non sufriu modificacións na última semana.
Os hospitais, segundo os datos do Servizo Galego de Saúde solicitados ata as 18.00 horas do martes, aguantan por agora, a pesar de todo, razoablemente, cun total de 67 persoas que requiren estes coidados.
Catro das sete áreas sanitarias superan as persoas infectadas co virus - Vigo (1.389), Ourense (1.243), Pontevedra (1.139) e A Coruña (1.086).
En Santiago son 671 os casos activos, en Lugo 539 e, en Ferrol, 231.
Desde o inicio da epidemia curáronse 127.043 cidadáns, tras 152 altas máis.
As PCR totais son 2.431.482, delas 5.803 no último día computado.
Galicia anunciará nesta xornada un endurecemento das medidas para loitar contra a pandemia da covid-19, tras semanas de flexibilización das mesmas.
