Este martes a área sanitaria de Lugo rexistra un total de 49 casos positivos de Covid-19, dous máis que este luns. De todos eles un atópase en hospitalización no Hula e o outro no Hospital Público da Mariña. O resto áchase nos seus domicilios.
Desde o inicio do plan de continxencia do Covid-19 curáronse 922 pacientes e faleceron por este virus na área sanitaria 28 pacientes.
GALICIA. O número de casos activos de coronavirus en Galicia aumentou de novo noutros dous ata os 314 este martes, mentres que as persoas curadas incrementáronse ata as 10.623, o que supón oito máis.
Así se reflicte nos datos actualizados este martes pola Consellería de Sanidade, que indica que do total de pacientes positivos catro permanecen en unidades de hospitalización -os mesmos que este luns- e 310 en seguimento domiciliario -dous máis-, mentres que as UCIs galegas seguen sen casos Covid.
Dos 314 casos positivos, 129 corresponden á área de Vigo -dúas menos que este luns-; 70 á da Coruña e Cee -un menos-; 24 á de Santiago e Barbanza -sen cambios-; 21 á de Ourense -un menos-; 49 á de Lugo -dúas máis-; 11 á de Ferrol -igual que fai 24 horas- e dez á de Pontevedra -un máis-.
Sanidade sinala que, ata a data, curáronse en Galicia 10.623 persoas e faleceron 619 pacientes con Covid. A última vítima foi notificada o 10 de xuño, que se corresponde cun home de 83 anos que estaba ingresado no Complexo Hospitalario Universitario de Vigo. Do total, 274 estaban vinculadas con residencias.
O número de PCR realizadas na Comunidade galega sitúase en 182.174 fronte ás 179.717 rexistradas este luns.