Un total de 18 provincias, entre elas Lugo e Ourense, estarán este sábado en risco por choivas e tormentas, segundo a predición da Axencia Estatal de Meteoroloxía (AEMET).
As zonas de risco por chuvascos corresponden á zona do extremo norte peninsular, onde se esperan ceos nubrados ou con intervalos nubrados, con chuvascos acompañados de tormentas ocasionais no extremo nordeste de Cataluña, concretamente en Xirona, Barcelona e Lleida.
OUTROS PUNTOS EN ALERTA. Tamén estarán en risco País Vasco e noroeste de Navarra sendo probables as choivas, como en Huesca, Zaragoza, Cantabria e as provincias castelán leonesas de Burgos, León, Palencia, Valladolid e Zamora. Navarra, Lugo, Ourense, A Rioxa e Asturias atópanse así mesmo avisadas por choivas e tormentas.
Ao longo do día formaranse nubes de evolución diúrna no cuadrante do noroeste peninsular, Sistema Ibérico e Pireneos, sen que se descarte algún chuvasco ou tormenta durante a tarde, sendo máis probable en zonas de montaña do noroeste, onde poderían ser máis fortes.
Ademais, prevese réxime de alisios en Canarias, con intervalos de intensidade forte. O vento será de poñente no litoral andaluz, amainado durante o día. Ademais, haberá vento de compoñente leste en boa parte da área mediterránea e predominio do vento frouxo no resto de España.