Dmanán Vivenda, a promotora constituída polos fundadores do Grupo Ingapan, se internacionaliza. Puxo a súa mirada en Portugal. Ten previsto rehabilitar un palacete situado no centro de O Porto, o de Belomonte, para que acolla un hotel de gran luxo -5 estrelas GL-, que xestionará a cadea Vincci, e construír outro de catro estrelas nesta cidade, que levará Oca Hoteis, que está participada pola corporación lucense.
As obras do Palacete de Belomonte, un edificio do século XVIII "protexido e moi singular", segundo destacou un dos socios de Dmanán, Rubén Chousa, iniciaranse dentro de 18 meses, cando se traslade a escola de arte que o ocupa, e durarán outros 24. Terá 60 habitacións. Roberto López, o terceiro alicerce do grupo, asegurou que será "o hotel máis luxoso" da cidade costeira lusa. As do outro aloxamento, de 103 estancias, comezarán no medio ano.
No Porto tamén construirá un residencial de 22 chalés de luxo. Outro dos socios de Dmanán, José Manuel Chousa, afirmou que levaban "moito tempo" coa intención de desembarcar en Portugal, porque é un país "efervescente e con moita demanda", sobre todo en turismo.
A inmobiliaria lucense está pendente da licenza municipal para poder iniciar as obras das catro estrelas que Oca Hoteis xestionará na Praza de Santo Domingo de Lugo. Un edificio que, segundo detallou Roberto López, construirase "nun ano en madeira laminada". Terá 51 habitacións. José Manuel Chousa, aseguraba que a pretensión é que estea listo "para o Xacobeo" de 2021. Neste céntrico solar acháronse restos dunha calzada romana, que se musealizarán in situ.
TERCEIRA IDADE. Dmanán, que ten participación na residencia para maiores Abeiro Gold de Lugo, está a sondar este sector. Así, construirá un xeriátrico no sur de Tenerife, dunhas 88 prazas, que alugará para que o explote unha empresa do sector.
José Manuel Chousa asegurou que a política da empresa é "diversificar a investimento en diferentes sectores", co fin de pasar menos aprietos se se rexistran épocas de vacas fracas.
