O premio aos Lucenses del Año recuperarase este 2020 da man do diario El Progreso, que xa fora copatrocinador deste evento cando estaba organizado pola Asociación de Radio e Televisión de Lugo, que presidía Francisco Rivera Cela.
Este recoñecemento ao labor de distintas persoas e entidades vinculadas á provincia de Lugo, que leva preto de década e media sen organizarse, terá lugar no transcurso dunha gala que se celebrará na capital lucense unha vez finalizado este ano. De todos os xeitos, o xurado reunirase de forma periódica e irá informando detalladamente dos distintos galardóns que vaia concedendo ao longo do presente 2020 e dos méritos que concorren.
Haberá dez Lucenses del Año e un ou unha Lucense de Honor, que será a máxima distinción anual. Tamén se entregarán premios a diversos colectivos e agrupacións que realicen labores sociais dignas de recoñecemento.
Con estes premios, cuxos orixes se remontan aos anos 60 do pasado século e que posteriormente se mantiveron ata 2007 tras un longo paréntese, preténdese pór en valor e dar visibilidade ao traballo de quen contribúen a facer un Lugo mellor desde distintos ámbitos e facetas.
Os encargados de outorgar os distintos premios contarán co asesoramento de expertos en varios campos
O PRIMEIRO. Proximamente darase a coñecer xa o nome do primeiro ou a primeira dos distinguidos este ano, así como as bases polas que se rexerá o xurado, do que formarán parte varios xornalistas deste diario e o propio Paco Rivera.
Os encargados de outorgar os distintos premios contarán co asesoramento de expertos en varios campos e de membros das delegacións deste diario, a fin de buscar as mellores e máis cualificadas candidaturas.
