El Progreso non quixo faltar este ano á súa cita co Arde Lucus a pesar das circunstancias e decidiu redobrar a súa aposta para colaborar coa revitalización da cidade. Farao con dúas carpas que se instalarán desde mañá ata o domingo e que albergarán dous proxectos distintos: Son de Lugo e Reavivando a chama.
As carpas abriranse o día 26 na Praza do Campo Castelo, de 17.00 a 21.30 horas; o día 27 na Praza de Augas
No proxecto Son de Lugo, a todos os que pasen pola carpa a facerse unha foto regalaráselles unha camiseta que inclúe un código QR que carga a Muiñeira de Lugo. As fotos veranse na elprogreso.es. Os patrocinadores son Deputación de Lugo, Concello de Lugo, Caixa Rural e As Termas.
O proxecto Reavivando a chama quere premiar aos participantes no Arde Lucus que vaian mellor caracterizados. Os premios para os gañadores na categoría individual son unha fin de semana para dúas persoas, un xamón e unha caixa de viño; para a mellor caracterización grupal, unha cea para 10 persoas, un xamón, 10 lotes de embutidos e unha caixa de viño. Haberá tamén un sorteo entre os que acudan ao photocall sen caracterización. Os patrocinadores neste caso son Deputación, Concello, Caixa Rural, Torre de Nuñez e Vía Romana.
