O alumado de Nadal quedará acendido en Lugo o
A concelleira de Cultura, Turismo e Promoción da Lingua, Maite Ferreiro, precisou que as luces do Nadal repartiranse "polo centro" histórico da capital lucense e "polas principais rúas e prazas", con elementos "ornamentais" que farán referencia en todos os barrios á celebración destas festas.
Este ano serán instaladas nas diferentes rúas e prazas de Lugo un total de 189 arcos luminosos e trinta elementos ornamentais. Ademais, tamén serán decorados un cento de farois. Para o funcionamento da iluminación, o Concello de Lugo habilitou unha partida orzamentaria de 146.149 euros.
Entre os elementos ornamentais que incluirá este ano a iluminación de Nadal en Lugo destaca a instalación dunha figura en tres dimensións na Praza de Santo Domingo, moi preto da praza de abastos, que contará, como mínimo, con 2.600 puntos de luz. Tamén a tradicional árbore xigante, que quedará emprazada na Praza Maior.
O Concello habilitou unha partida orzamentaria de 146.149 euros para a iluminación
De feito, esa árbore "central" terá un mínimo de 20 metros de altura e quedará asentada sobre unha plataforma elevada de 8 por 8 metros. Terá 15.000 puntos de luz e estará ornamentado cun mínimo de 3 figuras decorativas, de modo que poderá ser utilizado "como photocall", explicou a edil.
Ademais, nesta ocasión tamén serán instaladas en catro rotondas da cidade árbores de Nadal duns 8 metros de altura, cada unha cuns 1.900 puntos de luz. Noutras prazas haberá árbores de tres metros e 12.000 puntos de luz, ademais doutros motivos decorativos, tamén en tres dimensións, cada un deles cun mínimo de 2.000 luminarias.
O percorrido do Camiño Primitivo a Santiago por Lugo contará cunha decoración especial e as letras Lugo KM 100, instaladas para marcar o punto exacto onde se contan os 100 quilómetros de separación entre a capital lucense e Santiago, tamén se decorarán con luces ornamentais.
O acto organizado polo Concello para dar visibilidade ao acendido da iluminación do Nadal na praza e o mercado comeza ás 18.30 horas, con degustación de produtos dos distintos postos e animación musical.
A edil de Participación e Servizos para a Veciñanza, Cristina López, asegura que "coa iluminación de Nadal" o goberno local quere "animar os veciños de Lugo a que visiten ambos os espazos" e "coñezan os produtos de primeira calidade que se venden nestas dúas instalacións históricas".
"Na praza e no mercado temos a posibilidade de adquirir produtos de primeira calidade, chegados directamente dos produtores, e gozar da atención personalizada que sempre ofrecen os responsables de cada posto, nunha contorna privilexiada, en pleno centro da cidade", subliña..
