O PP reclamou este sábado o arranxo inmediato das rúas Papo Rubio e do Galo, nas Gándaras, que están cheas de fochancas e case sen rastro xa de asfalto.
O concelleiro Rafael Pérez subliñou que o arranxo de ambas as vías poderíase facer cunha intervención moi rápida e só precísase vontade política.
O concelleiro reclamou ao goberno que se tome en serio as demandas dos veciños das Gándaras, ante o feito evidente da imaxe "lamentable" que ofrecen esas dúas vías do barrio e dos problemas que sofren os residentes a diario como consecuencia da deterioración viaria.
