O Partido Popular apúntase Urban Exploration –Urbex– e propón para esta ponte de San José e para os días festivos da Semana Santa sumarse "á moda de visitar lugares abandonados e sen uso do concello de Lugo".
Os concelleiros do PP de Lugo presentaron este luns en rolda de prensa un mapa onde localizan edificios abandonados, espazos sen utilidade ou perdidos, e incluso mobiliario urbano que non serve para nada e que está "diseminado por toda a cidade", para que "os lucenses" participen na coñecida como Urban Exploration.
O portavoz popular no Concello de Lugo, Ramón Carballo, explicaba diante da Fábrica da Luz –unha minicentral eléctrica situada a beiras do río Miño– que este mapa serve "para visibilizar a falta de planificación, a desidia e os despropósitos do bigobierno" local, xa que este inmoble, "situado nun lugar privilexiado, presenta un aspecto inquietante".
Outros edificios industriais "fantasmagóricos e ideais para a práctica do Urbex son o vello matadoiro e a vella depuradora, que están
Presentamos a proposta de @PPConcelloLugo para a ponte de San Xosé: explorar os lugares abandonados de Lugo.
— PP Concello Lugo (@PPConcelloLugo) March 15, 2021
Deste xeito Lugo pode sumarse á moda Urbex suxerindo un itinerario para visitar edificios e instalacións abandonadas, espazos perdidos e mobiliario sen uso na cidade. pic.twitter.com/SU8sCoKslL
O citado mapa tamén leva a aqueles que se animen coa experiencia ás torres de O Garañón, "unha edificación que a alcaldesa prometeu derrubar e converter en zona verde pero que segue aí, como un muro inalterable por tempo indefinido", dado que "non figura nin un euro nos orzamentos deste ano para a súa derriba", recordou Carballo.
Os populares tamén sinalan outros puntos "para a fotografía desta viaxe", como "os depósitos de Frigsa e da Piringalla ou o parque de enerxías renovables do Ceao".
Os elementos de mobiliario urbano "abandonados e diseminados por toda a cidade" tamén forman parte desta iniciativa "para facer un tipo de turismo diferente pola cidade", precisou o portavoz popular, porque hai "63 parquímetros da Ora destartalados e ocupando a vía pública", sen esquecer as "cinco bases inútiles do programa de Rebicíclate en diferentes puntos da cidade; tres quioscos de Cogami destartalados" e "numerosas marquesiñas e postes de autobuses deteriorados".
Nese mapa de lugares abandonados tamén inclúe "outros espazos públicos perdidos como o Xardín dos Coios que está na parte de atrás do Cuartel de San Fernando, o parque biosaludable do polígono das Gándaras, o miradoiro da Volta da Viña, a cafetería do miradoiro do Parque do Miño, a unión do paseo do Miño co Intre ou as escaleiras do parque Marcos Cela, que acaban en ningún sitio, ou o parque dos Paxariños".
Carballo afirmou que “é necesario ter un proxecto de cidade único e non perderse en competicións e contraprogramaciones de actos para vender proxectos con cuño socialista ou nacionalista”.
Nese sentido, o portavoz popular ha defendido a "necesidade de abrir, recuperar e manter o que xa temos antes de empeñarnos en novas construcións que quizá neste momento moitos cuéstionanas por non consideralas prioritarias".