O custo da semana de actividades culturais programadas polo goberno local de Lugo para substituír ao programa habitual das festas de San Froilán como consecuencia da pandemia, cifrado polo Concello de Lugo en strong 552.435 euros, provocou críticas por parte da oposición, que considera este gasto un auténtico "despropósito".
Na comisión de festas, que se reunía este xoves no Concello de Lugo, a concelleira de Cultura, Maite Ferreiro, sacaba peito pola xestión do seu equipo e afirmaba que "a estratexia adoptada para non concentrar o público foi un éxito", pero "levou implícito un aumento dos custos de produción, dado que houbo que habilitar sete recintos para as actuacións musicais e un oitavo para as mostras de artesanía".
Por iso, houbo que "multiplicar o número de carpas, valar os recintos e garantir os recursos materiais e humanos" para que os lucenses puidesen "acceder a máis de 125 actividades culturais seguras".
En total, "a semana cultural do San Froilán supuxo un investimento por parte do Concello
Con todo, para o Partido Popular, é "un despropósito que o San Froilán custase 100.000 euros máis que o ano pasado", a pesar de que non se programaron concertos multitudinarios, o recinto feiral estivo pechado e tampouco houbo casetas do polbo.
A edila popular Beatriz Vázquez asegura que o seu grupo non comprende "o desembolso de medio millón de euros nun sucedáneo de festas¿", reconvertido ¿en semana cultural e que carecía de novidades".
Ademais, criticou tamén a fórmula elixida polo goberno local para contratar a produción e a seguridade das actividades, dado que se fixeron a través ce contratos menores", cando hai outras fórmulas "máis beneficiosas e máis transparentes", que "garantirían a participación de todas as empresas e non só as invitadas polo BNG".
