O Partido Popular e o goberno da Deputación polemizan pola planificación do parque móbil nos distintos concellos lucenses. "Non existe unha organización rigorosa, nin por orde de solicitude nin en función dás necesidades", afirma o portavoz provincial dos populares, Javier Castiñeira, que asegura que a política de maquinaria que realiza o goberno de Tomé prexudica a centos de veciños. O popular demanda criterios obxectivos e xustos para todos os lucenses. "Os concellos gobernados polo PP son os que dispoñen de menos maquinaria provincial", afirma.
Pola contra, o deputado socialista, Xosé María Arias, asegura que a Deputación se encargou de rescatar o parque móbil logo de ser desmontado polo PP. "Non temos un plan anual de uso de vehículos, senón que realizamos accións de mantemento dacordo cos técnicos", afirma Arias, que argumenta que a Deputación xestiona o parque móbil en base a criterios técnicos.
