martes. 27.07.2021 |
El tiempo
martes. 27.07.2021
El tiempo

O PP di que Feijóo cumpre co auditorio e o PSOE cre que non é seguro abrilo

Elena Candia, el sábado, en el reparto. EP
Elena Candia, na repartición. EP
Os populares acusan a Méndez de impedir que se vexa o edificio e desde o Concello aluden ao risco de incendio

A decisión da xunta electoral de prohibir, a petición do PSOE, a celebración dunha xornada de portas abertas no novo auditorio seguiu provocando reaccións no PP e o Concello. Así, os candidatos populares ao Parlamento de Galicia consideran que tras o recurso dos socialistas "demostrouse que o único que lle importou sempre ao PSOE e a Lara Méndez é que non se vise que Feijóo cumpriu a palabra dada aos lucenses co auditorio".

Así o indicaron este sábado Elena Candia, Ramón Carballo e Cristina Sanz durante unha repartición na rúa dun xornal coas propostas de PP para a Xunta. Os populares consideran que a xornada de portas abertas prevista para onte serviría para que os cidadáns puidesen ver "unha infraestrutura cultural tan importante para a cidade como é o auditorio". Ademais, explicaron que o edificio "está en perfectas condicións de abrirse", polo que cren que os socialistas, co seu recurso, impiden que Lugo poida gozar e facer uso do mesmo.

SEGURIDADE. Mentres, o Concello apuntou que a decisión de recorrer a visita, que a alcaldesa chegou a "cualificar de electoralista", ten que ver coa seguridade do público que podía ir á convocatoria, o mesmo argumento que asegura que se esgrimiu tras coñecerse que a Xunta tiña pensado organizar un acto de inauguración coa actuación de corais locais e que finalmente a Consellería de Medio Ambiente descartou por escrito que se fose a celebrar.

Segundo fontes da alcaldía, o Concello transmitiu entón á consellería a súa preocupación porque "non se podían garantir as condicións de seguridade para os espectadores asistentes xa que, segundo informacións dos técnicos, o sistema de protección contra incendios non estaban operativos, o sistema de detección e extinción non estaba posto en marcha nin se garantía o correcto funcionamento doutros sistemas como a BIEs ou extintores".

O PP di que Feijóo cumpre co auditorio e o PSOE cre que non é...
comentarios