O PP considera que as luminarias resultan repetitivas, escasas e sen relación con motivos da cidade. "Non introducen novidades, repiten luminarias exactas ás que se colocaron no San Froilán, presentan arcadas con motivos que nada teñen que ver co Nadal e incluso sorprende que se promocione a Catedral de Santiago, como no tramo das arcadas San Pedro en vez de siluetear outros monumentos do municipio que son patrimonio da humanidade", din.
Tamén lembran que hai barrios da cidade sen iluminación polas festas e quéixanse de que o goberno municipal considere esa ornamentación un gasto e non o conciban como un investimento. "Pensamos que é necesario incentivar as compras e estimular o emprego local para evitar que continúe o goteo de peches do pequeno comercio en Lugo", reclaman os concelleiros do PP.