Axentes da Policía Nacional adscritos á comisaría provincial de Lugo, en servizo de radiopatrullas, detiveron a madrugada do domingo a un home de 38 anos, veciño da cidade e con antecedentes, por un delito de lesións durante unha pelexa ás portas dun pub.
Os feitos ocorreron o centro da cidade na madrugada do domingo, cando se alertou á sala do 091 de que había unha pelexa no exterior dun local, con ata cinco persoas implicadas.
Unha vez acudidas as dotacións policiais comprobaron que no lugar había unha persoa ferida, que presentaba lesiones na cabeza e os beizos polo impacto dun obxecto, e dor na zona molar. Un das testemuñas indicou ás patrullas do servizo de noite que os supostos autores marcháronse, e a continuación, indicou coa man a dirección.
Unha das dotacións da Policía Nacional auxiliou ao ferido, e a segunda iniciou a procura dos agresores, acompañada pola testemuña, e conseguiu alcanzar a un dos autores, que foi recoñecido nese momento polos agredidos.
A continuación, os outros dous agredidos acudíronse no lugar dos feitos e relataron que, desde a súa posición, no exterior do local puideron observar como un dos agresores arremetía contra a vítima. Afirmaron que nese momento acudiron na súa axuda, polo que tamén foron agredidos polo detido e o seu acompañante.
DETENCIÓN. Tras escoitar os feitos relatados polas testemuñas, os axentes procederon á detención dun dos agresores. A investigación continúa aberta en mans da Policía Nacional, á espera da localización do segundo autor das agresións, o cal xa está identificado.
O home detido pasou onte a disposición xudicial.
