O aviso dunha pelexa entre dous mozos na Praza do Campo mobilizou a Policía en Lugo na noite do sábado, unha xornada de Arde Lucus na que os axentes recibiron outras tres chamadas por disputas. Neses casos, cando chegaron ao lugar non atoparon nada.
Na Praza do Campo, sobre as 12.30 da noite, protagonizaron o enfrontamento dous mozos que discutían por un patinete. Un deles acusaba o outro de roubarllo, ao que este respondía asegurando que era seu.
O incidente saldouse coa identificación dos implicados, pero non se practicaron arrestos.
