Axentes da Unidade Territorial de Policía de Barrio da Policía Local de Lugo estableceron este martes diversos dispositivos no centro urbano da cidade, para controlar o cumprimento das normas do Ministerio de Sanidade relacionadas co Covid-19, e levantaron varias actas a cidadáns por non facer uso das máscaras de protección obrigatoria. Os infractores serán sancionados con unha multa que oscila entre os 601 e os 30.000 euros.
A Policía Local recorda que o uso de máscaras "é obrigatorio para persoas de seis anos en diante", tanto en vía pública como en espazos ao aire libre, ou en calquera espazo pechado de uso público ou aberto ao público, sempre que non sexa posible manter unha distancia de seguridade interpersoal de polo menos 2 metros.
Desde a comisaría lucense recordan tamén que, nos vehículos privados particulares de ata 9 prazas, incluído o condutor, "no caso de non convivencia" poderán viaxar dúas persoas por fila de asentos e respectando a máxima distancia entre ocupantes, sendo tamén obrigatoria a máscara en todos os ocupantes.
