Unha celebración familiar de madrugada nunha vivenda da capital lucense mobilizou á Policía Local, que acudiu ao lugar e puxo fin á reunión.
Segundo explicaron este martes desde comisaría, unha patrulla deGrupo Operativo Nocturno da Policía Local trasladouse a un edificio da Rúa Leiras Pulpeiro, ao redor das catro da madrugada, despois de que varios veciños da zona chamasen á Sala do 092 para comunicar que nunha vivenda dun inmoble había unha celebración. Segundo afirmou a persoa que realizou a chamada, desde o seu domicilio escoitábanse "voces e berros", que lle impedían descansar.
Os axentes acudiron de inmediato ao lugar e, unha vez alí, comprobaron a veracidade das chamadas e identificaron ao responsable. O home manifestoulles que se trataba dunha reunión familiar e que non era consciente das molestias.
