A Policía Local tivo que intensificar os seus controis de tráfico na zona da Milagrosa, ao ter coñecemento de que moitos condutores estaban circulado sen autorización pola praza, que é peonil. De feito, segundo informou a propia Policía Local, no que vai de semana os seus axentes tiveron que multar a condutores de vehículos particulares e de repartición "que cruzan a praza sen autorización", co consecuente risco para peóns e nenos que xogan na mesma. A todos eles impuxéronselles multas de 200 euros.
Doutra banda, na noite do xoves ao venres os axentes tamén detectaron a outro condutor circulando por Camiño Real, ás 4.50 horas, conducindo logo de beber. Na proba deu positivo de 0,45 mg/ l, polo que se lle impuxo unha multa de 500 euros e a retirada de 4 puntos do permiso de conducir.