A vixilancia policial na contorna do Hula non cesa e os axentes da Unidade Territorial de Policía de Barrio denunciaron o pasado sábado a outro gorrilla por realizar a súa actividade ilícita nos arredores do centro hospitalario.
Os policías percorreron a zona e, ao redor das dez e media da mañá, observaron como un destes aparcacoches ilegais instaba os condutores a estacionar en determinadas prazas libres e posteriormente esixíalles diñeiro.
Os axentes pedíronlle ao home que se marchase e deixase de intimidar aos condutores, pero o gorrilla seguiu exercendo a súa actividade e ademais, tal e como sinalou este luns o portavoz policial, "proferiu expresións de falta de respecto e consideración aos axentes da autoridade".
Esta conduta constitúe unha infracción á Lei de Protección da Seguridade Cidadá, polo que o aparacacoches foi denunciado. Finalmente, o home abandonou a zona e non volveu molestar aos usuarios do centro hospitalario que aparcan na zona.
