A Policía Local de Lugo denunciou que o mércores se levantaron dez actas de infracción por vulnerar restricións derivadas do estado de alarma decretado por mor da crise sanitaria do coronavirus.
Estas infraccións contra a Lei Orgánica de Protección da Seguridade Cidadá poden levar aparellada unha sanción de entre 601 a 30.000 euros.
Este mércores, efectivos da unidade territorial de Policía de Barrio fixaron dispositivos fixos e móbiles nas vías públicas da cidade para comprobar e, no seu caso, impedir que leven a cabo actividades suspendidas, ademais de velar polo cumprimento das limitacións de circulación.