Unha muller de 45 anos faleceu este martes nun edificio da zona de Garabolos tras precipitarse polo oco das escaleiras desde unha altura de oito pisos.
O feito, ocorrido nun portal da Avenida da Coruña, provocou un gran despregamento de medios de urxencias na zona, pero non se puido facer nada por salvar a vida da muller, dado o grave impacto da caída desde tanta altura.
Un particular chamou ao 112 pasadas as 13.15 horas. Foron alertados efectivos de urxencias sanitarias e das policías Local, Nacional e Autonómica. Descártase a participación de terceiras persoas no suceso.