domingo. 25.07.2021 |
El tiempo
domingo. 25.07.2021
El tiempo

A Policía identificou a dous mozos por unha pelexa por un patinete na Praza do Campo

Praza do Campo. EP
Praza do Campo.
Os axentes atenderon catro avisos por pelexas esa noite

A Policía Nacional interveu na madrugada deste domingo na Praza do Campo tras ser alertada dunha pelexa que enfrontou a dous mozos, que discutían pola propiedade dun patinete.

Un dos mozos acusaba ao outro de haberlle roubado o patinete, mentres que o outro defendía que era da súa propiedade. Ao final foron identificados os dous implicados na disputa.

Ese incidente produciuse ao redor das doce e media da noite, pero a Policía Nacional recibiu ata catro avisos por pelexas na Praza do Campo pasada a medianoite do sábado. Os implicados deixaron o lugar antes de que chegasen os axentes, segundo confirmouse desde a comisaría.

No entanto, segundo fontes veciñais, polo menos unha das pelexas foi moi violenta e a unha persoa "estampáronlle a cara contra o escaparate da farmacia" e "era imposible contactar co 091".

A Policía Nacional dixo, con todo, que se recibiron catro avisos por pelexas, unha a través do 091 e tres a través do 112 e que se atenderon todas.

A Policía identificou a dous mozos por unha pelexa por un patinete...