Axentes da Policía Nacional foron requiridos este domingo na zona de Conturiz para solucionar un conflito entre veciños que se desatou por unha discusión por unha leira.
Segundo informou o corpo de seguridade, a discusión iniciouse cando un veciño comezou a depositar pedras nunha leira, un labor que provocou a reacción do propietario do terreo no que se estaba facendo o depósito deses materiais.
A pesar de que se desencadeou unha situación de tensión, a mera presenza policial bastou para calmar a situación e non chegaron a producirse agresións de carácter físico, indicou a Policía Nacional.