A Confederación de Empresarios de Lugo (CEL) expresou este luns o seu pesar polo falecemento de Juan Bautista Prado Carreira. O que fose xerente de Almacenes Severino Prado S.L, foi tamén o primeiro presidente da Asociación de Empresarios de Comercio de Alimentación de Lugo e un dos fundadores da patronal lucense.
Nun comunicado, a entidade transmite a súa máis sentido pésame pola perda do empresario, "un dos lucenses inquedos que forma parte da xeración que impulsou novas empresas en Lugo e o asociacionismo empresarial provincial".
A organización empresarial transmite tamén o seu agradecemento polo papel representado por Juan Bautista na entidade e o seu agarimo á familia do falecido.