Nove persoas sentarán o martes e o mércores da próxima semana no banco dos acusados da Audiencia Provincial de Lugo para ser xulgados porque presuntamente vendían heroína e haxix na rúa e nos seus domicilios, sitos na capital lucense, ao longo do último cuadrimestre de 2013. A Fiscalía solicita en total 46 anos de prisión e máis de 200.000 euros en multas.
Algúns dos procesados desprazábanse a Ferrol para adquirir estas sustancias estupefacientes. O caso, cuxa investigación correu a cargo da Policía Nacional, foi instruído polo xulgado do que é titular Pilar de Lara.
