Un condutor que circulaba pola Rúa Armórica, na cidade de Lugo, perdeu o control do vehículo na confluencia coa Rolda de Fingoi e o coche, logo de impactar contra outro turismo que estaba estacionado na citada vía, acabou chocando contra o muro dunha comunidade de veciños para acabar dentro do xardín que rodea o edificio.
Segundo informou a Policía Local, o accidente produciuse este xoves -día 2 de decembro- ás 14:30 horas, e a pesar do aparatoso que foi, non houbo que lamentar danos persoais.
O condutor perdeu o control do seu coche, que acabou impactando contra outro turismo que estaba aparcado e este, á súa vez, impactou a causa do desprazamento contra outro automóbil que estaba aparcado na mesma rúa.
A causa do impacto, o vehículo saíu repelido e impactou contra o muro que rodea a zona axardinada dunha comunidade de propietarios da Rolda de Fingoi.
A Policía Local ha aberto dilixencias para investigar as causas deste accidente.
Un día antes, ás 18:50 horas, outro condutor, que deu negativo no control de alcoholemia, levou por diante co seu coche varias sinais na Avenida de Madrid, ata quedar detido na confluencia coa Rolda as Mercedes.