O xulgado do Penal número 2 de Lugo aprazou este mércores unha vista contra dous mozos acusados de esnaquizar a golpes os espellos retrovisores de tres coches hai xa nove anos. Os acusados están en busca e captura e non foron localizados para poder trasladalos ao xuízo, polo que tivo que suspenderse.
Os feitos sucederon sobre as once da noite do 19 de novembro de 2011, cando os dous mozos, con iniciais I.G. e F.D., ocasionaron danos nos retrovisores de tres turismos que se atopaban estacionados na Calzada dás Gándaras. Os vehículos -un Opel Vectra, un Renault Twingo e un Opel Combo- sufriron danos valorados en algo máis de 500 euros en total.
Os dous mozos foron acusados dun delito continuado de danos, tipificado no artigo 263 do Código Penal, polo que a Fiscalía lucense solicita no seu escrito de acusación sendas penas de 20 meses e multas cunha cota diaria de 12 euros, o que suma un total de 7.200 euros. O ministerio público solicita tamén que indemnicen aos afectados.
