O fiscal solicita un ano de prisión para o dono dunha compravenda de vehículos por vender un coche sobre o que pesaba un embargo e non avisar ao cliente. O xuízo por este caso aprazouse o mércores no Penal 2 de Lugo.
A Fiscalía alega que o 27 de decembro de 2015, o acusado, administrador dunha empresa de compravenda sita no Ceao, vendeulle a un cliente un Ford Mondeo por 1.500 euros. O acusado ocultoulle ao comprador que sobre o vehículo pesaba un embargo, polo que foi acusado de estafa.